Dhuan

Inn garmiyon ki chhutiyon mei,
Jab iss khule aasma se tha mein chal dia,
Pahuncha jab tha mein ghar,
Mujhe tha kuchh pata chala

Kashmakash mein afreen iss,
Dilli ke dil se nikalta hai dhuan dhuan
Baandhke basta mein nikal dia subah subah.

Socha bachpan ka sapna aaj,
Hone ko hai pura dikhta hua.
Baandhkar haunsla mei,
Iss naye chamakte shehar mein chal pada

Bhatka jo rasta dekha yeh meine ki,
Jahan koi mehnat se do wakt ki roti nahi hai kha pata
Toh kahin bheek mangta bacha hai nashe mein dhut sa pada hua
Toh kahin raeeszaadon ka kehar sar chadta hua

“Arey! Tu janta nahi hai mera baap kaun hai?”
Bewajah ke naare marte neta
Toh kabhi behuda si gaaliyon pe aa jana
Ya fir mahilaon ke saath atyachar hai yeh kaisa badta hua?

Sabr wo aisa ki shaamein guzar jaati thi.
Kehar jo gehra aankhein bhi nam jaati thi.
Saaf dil mein khot nikale jo duniya,
jawabon ke sawal dhundne ko majboor thi.

Uss shaam ki deewaangi mein,
Chehkati chidiya ne sunayi ye kahani thi,
Taakat ki jiss daud mein,
bhoole achhe achho ne insaniyat thi.

Pathjhar ki iss samay bhi jahan,
khilti kahin kaliya thi.
Chidiya wo chehakti,
mujhse kuch poochti ki.

Kyun ye shehar dhuan dhuan hai?
Kahin aag to kahin dhuan hai

Kyun in anjane raston pe,
Guzarte wo jaane pehchane hai,
kya sharam ki kami hai,
ya aib ye koi naya hai?

Kyun ye shehar dhuan dhuan hai?

– Written by Lakshay Rastogi

Keep writing to us with more of your poetry.